Новости Кашкадарьи

Официальный веб-сайт газеты "Новости Кашкадарьи"
20 август 2022 год, суббота.                 Специальная версия UZ

SOHA RIVOJIGA QARATILGAN VAZIFALAR BELGILANDI

Unda assotsiatsiya mas’ullari, sport federatsiyalari viloyat bo‘limlari hamda bolalar va o‘smirlar sport maktablari rahbarlari, sportchilar, ommaviy axborot vositalari xodimlari va bir qator hamkor tashkilotlar vakillari ishtirok etishdi.

Yig‘ilishni viloyat hokimi   Zafar Ro‘ziyev kirish so‘zi bilan ochar ekan, so‘nggi yillarda butun respublikamizda bo‘lgani kabi viloyatimizda ham paralimpiya sport turlari har tomonlama rivojlanib, nufuzi ortib borayotgani, jismoniy imkoniyati cheklangan yoshlarning sport bilan muntazam shug‘ullanishi, iste’dod hamda mahoratini yuzaga chiqarishi uchun barcha sharoitlar yaratilganini alohida ta’kidladi. Bu ishlar amalda yuksak samaralar berayotgani bilan ahamiyatlidir. Braziliyaning Rio-de-Janeyro shahrida bo‘lib o‘tgan XV yozgi Paralimpiya o‘yinlarida viloyatimiz sportchilarining erishgan muvaffaqiyatlari bunga yorqin misol bo‘la oladi.

Tadbirda viloyatimizda paralimpiya sport turlarini yanada  ommalashtirish, mavjud shart-sharoitlarni tubdan yaxshilash, ayniqsa, 2020-yili Yaponiyaning Tokio shahrida bo‘lib o‘tadigan XVI yozgi paralimpiya o‘yinlariga  jiddiy tayyorgarlik ko‘rib, bundan-da yuqori natijalarga erishish zarurligi xususida so‘z yuritildi.

Shundan so‘ng O‘zbekiston milliy paralimpiya assotsiatsiyasi viloyat bo‘limining 2013-2016-yillardagi faoliyatiga oid hisobot tinglandi.

O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti viloyat boshqarmasi boshlig‘i Rajabov Jo‘rabek Rustamovich O‘zbekiston milliy paralimpiya  assotsiatsiyasi viloyat bo‘limi    raisi etib saylandi.

Kelgusida paralimpiya assotsiatsiyasi viloyat bo‘limi faoliyatini yanada rivojlantirish va terma jamoaga munosib nomzodlarni tayyorlash borasida bir qator chora-tadbirlarni amalga oshirishga qaratilgan aniq vazifalar belgilab olindi.

Azizbek NOROV

Report typo